Varimi va mavele Chiredzi South vatsaka ngopfu leswaku tsindza waku xavisela mavele avona upfuliwe kusuhi na vona Makambe.
By Blessed Chauke
Kupfuliwa ka tsindza lowu kutapfuna varimi vale Chikombedzi hi ti mhaka to hambana hambana ku katsaka leti ta ku xavisa mavele.
Tsindza lowu wa Grain Marketing Board (GMB) upfuliwe lembe la 2015 Makambe, kambe ayihi ndau yaku hlayisela swirimwa swaku hambana hambana swita pfuna vatsami va muganga mikhari yatindlala.
Lembe leli, 2021 hiko varangeli va GMB vanga cinca ndau leyi nakambe valulamisa timhaka toku ku va na tsindza wakuxavisela mavele.
Lembe leli va aka tiko vale Chikombedzi va thsovele swonghasi leswi swi va ka swivangeliwa hiku chululuka kapfula yotala swinene lembe linga hundza kufika lembe khari wa xirimo.
Khanselara wa ward 10 Leonard Makondo ukombile kukesa ngopfu hivu rangeli bya GMB hikutisa tsindza lowu kusuhu na muganga wayena.
“Nitsakile ngopfu hileswi swinga endliwa hi GMB swaku hitisela tsindza lowu kusuhi nahina. Swi hambane na kale vale mugangeni vangaya xavisa mavele yavona Chiredzi kumbe Rutenga.
“Timhaka ta kufambisa swirimwa ke GMB timhaka tikaratako swinene. Nakambe a swiendli eku hitirisa tingolovhani kuhifambisa swirimwa swahina swilava ti movha,” ku vula khanselara Makondo.
Khanselara Makondo u vulavulile aku lembe leli vale mugangeni wayena va thsovele swinene.
“Lembe leli varimi vathsovele swinene. Kuvula vula kukota leswi mi movha i pesa pesa le GMB kurwala mavele kayifamba nawona e Harare.
“Makambe se indhawu ingana migingiriko hitimhaka leti taku xavisa mavele,” ku vula Khanselara Makondo.
Tsindza lowu wa GMB Makambe wu ta va wu khari wu pfuna ngopfu vale mugangeni wa Muhlanguleni, Chagwaliva na Old Boli hiti mhaka ta kufambisa swirimwa swavona.
Lava vato tsama kule ngopfu na tsindza lowu vato kavafamba tikilomita toringana kumi na yin’we.
Khanselara Makondo na kambe va engetele kama hungo yavona vakunanai vona vakotile kufambisa 30 tani ka tsindza lowu utswa.
“Nifambisile 30 tani ka GMB yona leyi itswa kambe Philip yena ufambisile 90 tani.
“Mali ya mavele yingena ka ti account tahini loko kuhihelile masiku nyana,” k uvula Khanselara.
MP wale Chiredzi South Kalisto Gwanetsa nayena useketele khanselara Makondo hitimhaka leti tatsindza lowu.
“Tiko la Zimbabwe i tiko lithlakusetako ti mhaka ta vurimi leswi swivula eku Chiredzi South nayona ikona kwalaho.
“Tsindza lowu wa GMB uta cinca swotala ngopfu nakambe nama hanyelo a vanhu e mugangeni ata cinca.
“Va le mugangeni avakarateka ngopfu hikufambisa mavele yavona kule ngopfu kuya xavisa ka tindau to kota va Chiredzi na Rutenga leswi aswikarata ngopfu hitimhaka ta mali ya kufambisa swirimwa.
“Aswi dhura ngopfu kufambisa mavele nakambe aswivangela natihlupeko ka xirimo lexi xingatoveni kaxilanzelela hikuva ti mali titoveni tihi helile,” u vulile MP Gwanetsa.
MP Gwanetsa vavulile navona nakambe vakunani leswi swita pfuna eku va aka tiko vamuganga vakuma mithirho kusuhani.
“Nakambe leswi switaendla eku vatsami vamuganga vata khuma mithiro kusuhi navona.
“Kuxava nakuxaviselana mavele le Makambe se swanyaula masiku lawa swi hambane nakhale.
“Makambe indawu leyi itivikano hitimhaka tona teti takuhlayisa swikafu mikari yati ndlala,” ku vula Gwanetsa.
Tsindza lowu utirisana na ma n’wani ma tsindza axinyimo xale hasi nyana ka tindawu Chiteya, Chanienga, Gezani, Machindzu nale Gondweni.
